影片
更多
2022-07-05
231 瀏覽
每次想大吃大喝，都一定會諗起火鍋，但食完火煱就會罪惡感升100倍😈。最近喺IG見到呢度開創左生酮火鍋，設計同精選左d令人食得開懷又唔會致肥嘅火鍋，所以一早已經Bookmark左，襯住幾日打風無啖好食，今日終於可以俾自己放肆吓。 一入門口就見到生酮飲食 KOL唐貝詩做封面嘅menu，決定跟住嚟嗌。 先揀湯底，養生花膠雞鍋 ($58一位)成為首選，因為我真係好鍾意食花膠🥰。花膠大大隻，顏色又靚；而雞件亦好有雞味，睇返介紹，原來係用左三黃雞，肉質特別嫩滑，建議唔好浸喺火鍋太耐，咁會更加食到雞嘅觧味。 湯底仲有蟲草花同杞子，夠晒滋補。另外，再叫左個皮蛋香菜鍋 ($38 一位)。驚喜係原隻皮蛋加原條芫荽入湯，皮蛋唔會滾爛晒，而芫荽連埋根莖，就令香味散發得更濃，正! 🥩火鍋點可以無肉，按好味程度排序： 1. 黑豚腩肉(半份 $48)，都有d肥肉，但食入口完全唔覺得肥膩，入口肉味極濃，肉質脆嫩。 2. 嫩牛肉 (半份 $48)，比肥牛更健康，肉質口感唔錯，極輕易咬開。 3. 鰻魚 (白鱔) (半份 $58) ，爽口無腥味，魚肉肥美嫩滑。 4. 麻辣牛肉 (半份 $48)，嘩!味蕾激戰，薄薄嘅牛肉片沾
一入門口就見到生酮飲食 KOL唐貝詩做封面嘅menu，決定跟住嚟嗌。
先揀湯底，養生花膠雞鍋 ($58一位)成為首選，因為我真係好鍾意食花膠🥰。花膠大大隻，顏色又靚；而雞件亦好有雞味，睇返介紹，原來係用左三黃雞，肉質特別嫩滑，建議唔好浸喺火鍋太耐，咁會更加食到雞嘅觧味。 湯底仲有蟲草花同杞子，夠晒滋補。
生酮鴛鴦鍋
16 瀏覽
0 讚好
0 留言
13 瀏覽
0 讚好
0 留言
另外，再叫左個皮蛋香菜鍋 ($38 一位)。驚喜係原隻皮蛋加原條芫荽入湯，皮蛋唔會滾爛晒，而芫荽連埋根莖，就令香味散發得更濃，正!
🥩火鍋點可以無肉，按好味程度排序：
1. 黑豚腩肉(半份 $48)，都有d肥肉，但食入口完全唔覺得肥膩，入口肉味極濃，肉質脆嫩。
2. 嫩牛肉 (半份 $48)，比肥牛更健康，肉質口感唔錯，極輕易咬開。
3. 鰻魚 (白鱔) (半份 $58) ，爽口無腥味，魚肉肥美嫩滑。
4. 麻辣牛肉 (半份 $48)，嘩!味蕾激戰，薄薄嘅牛肉片沾滿了各式辣辣嘅香料，入口極度辛辣，有麻香。
黑豚腩肉、麻辣牛肉、嫩牛肉、白鱔
12 瀏覽
0 讚好
0 留言
🍽主食叫左極創新嘅海帶麵 (半份 $38) 睇返資料先知，麵條主要係纖維，接近零卡路里，麵質入口又爽又脆。呢個真係一定要試。
海帶麵
16 瀏覽
0 讚好
0 留言
🥬點都要食菜先可以平衡吓，叫了多款蔬菜，每一款都覺得賞心悅目，尤其係蔬菜類，非常新鮮翠綠，洗得乾淨，食得健康又安心。
皇帝菜 (一份 $28)、油麥菜 (半份 $18)十分鮮甜美味。
淮山條 (一份$48)有淮山及紫淮山，淮山爽口、紫淮山綿蜜鬆化。
萵筍條 (半份$18)烚完夾起依然見到鮮嫩嘅翠綠色，入口爽脆。
凍豆腐 (半份 $18)即係冰豆腐，有咬口、有豆香。
炸豆皮 (半份 $38)上枱非常吸睛，炸得金黃色，烚完入口軟腍之中帶一點煙靭。
炸豆皮、凍豆腐、淮山條
22 瀏覽
0 讚好
0 留言
油麥菜、皇帝菜
7 瀏覽
0 讚好
0 留言
🍹嚟得食生酮火鍋，飲品當然要試吓生酮特飲啦，叫左青檸梳打($48)、生酮雜莓汁雞尾酒($48)，特飲用左生酮糖去調製，甜味剛剛好。前者有淡淡嘅青檸酸味，可口；後者酒味唔濃，非常易入口，雜莓嘅酸味令飲品更怡神。
生酮特飲
8 瀏覽
0 讚好
0 留言
最後真係要讚吓餐廳嘅細心，枱面放有生酮醬油，點肉食能提升肉味之餘，更能滿足重口味人士；亦放有計時器，餐單有時間建議，跟住指示就可以食到火喉最佳嘅美食；仲有入座就每位送上雪耳紅棗糖水，夠滋潤。
呢餐評價甚高，生酮或非生酮類食物都食得津津有味，主要係因為食材新鮮、料靚，而生酮食物亦唔係淡而無味，反而係更食到食物嘅鮮味。
張貼
