潮食地

營業中

休息中

潮潮地嘅配色同裝潢，潮潮地嘅食物配搭同選擇，仲有潮潮地帶有幽默感嘅店員。四季豆？咪又係配欖菜。呢度就同你配咸香蛋黃炸！賣相極討好，忍唔住係咁揀脆卜卜嘅皮食。欣賞佢做到酥炸感覺，無用好多粉厚厚地包住四季豆，而且豆都好幼嫩，唔會有渣。咖喱牛筋坑腩好足味又平衡到味道嘅咖哩，有生薑、薑黃、三色椒、番茄仔、洋蔥同薯仔，融合埋椰汁嘅滑溜感餸飯一流（想講佢d白飯粒粒分明，好好食😂）。牛筋坑腩入味又夠軟身，同時肉質分明有口感，好香牛味。肥瘦都好適中，無食到散出黎嘅肥膏。中湯望落有d油，但飲落又好好味，好足料同火喉，重點係飲完無口渴。入面有西洋菜、紅蘿白、豬骨同南北杏等材料，大大碗。反正都括咗出去，就唔差在叫埋d童年加香港特色飲品啦！黑牛真心好耐無飲，但最後俾未飲過嘅奶茶＆咖啡紅豆冰吸引咗。無令我失望，好香奶茶同咖啡味，又夠滑，紅豆仲大大粒，有接近半杯嘅份量添。咁凍嘅一晚，食飽出去真係暖番曬，行陣消化再返屋企，滿足！第一次就邪惡食，下次試番d清底嘅，又睇下會點先！