潮福蒸氣石鍋 (已結業)

既然去到大埔，食左個咁好食嘅下午茶，估計夜晚會有更多更好食嘅，閑逛到7點就開始揾食，見到潮福蒸氣石鍋就比佢吸引左，而且門口已經好多人排緊隊，咁多人幫襯，肯定會有好嘢食喇。第一次見有用草帽仲可以咁用，覺得好新奇，呢間店好多海鮮供人選擇，今日我同阿妺就食豪D，點左好多海鮮，花竹蝦好貴，但食完后我都覺得好值，蝦身仲長過部手機，只只都粗過手指，新鮮度上臺都仲識跳，肉果然好鮮，好清甜，好有嚼頭，可以講有D爽口，靚。美國大石蠔比本地嘅要肥美好多，肉厚味美，就算唔放任何調味料，只放姜蔥去腥都會覺得好正，鮮味好足，蠔肉爽脆，而家正系食蠔好季節，就顯得更加無比美味。龍躉斑片都好吸引啊，魚肉嫩滑鮮美無比，膠質多，女仔食左可能會特別起美容作用，味道好。食左甘多肉，最后食返個勝瓜嚟平衡下先，蒜蓉蒸勝瓜，最普通嘅做法，但卻最能帶出勝瓜嘅清甜，勝瓜好新鮮，好甜。