新潮樓 (已結業)

去開九展做野，試下呢間新開既潮州中菜， 而家既九展食野方面真係旺返好多， 早幾年真係無野食選擇平日夜晚如果唔係有concert ,唔會好多人， 易搵位， 侍應都非常殷勤咁招待落單用QR code, 其實都幾好， 唔駛舉手都舉到手攰食物選擇基本上潮州菜應有既都有， 連有啲比較少見既都有， 食下大路野又食下少見啲既滷水鵝片每片都係算係幾厚切， 份量唔少， 肉夠淋， 墊底既花生都好入味蔥燒魚鰾滑雞煲作為魚鰾控， 見到魚鰾真係兩眼發光， 諗都唔駛諗就叫呢個魚鰾雞煲， 份量同味道都好滿意，夠鑊氣， 連啲大蔥都好好味，一掃光薑汁方魚炒介蘭排列整齊既介蘭上有煎到脆口既方魚，菜又夠薑味，讚！