梅花邨小館

營業中

休息中

之前一直想試好耐，今日雖然好晏先起身，但都的起心肝4點幾黎左當埋晚餐咁食。一開始就會有酸菜食，感覺好清新酸酸地好開胃，就黎食哂先記得要影低佢。椒鹽鮮魷炸得好鬆脆，魷魚新鮮可口熱辣辣、煙煙韌韌有咬口，椒鹽味亦都好足，點小小醋更美味。豉椒炒鵝腸個汁好濃郁美味，有豉椒既香味，鵝腸好爽口彈牙，加埋其他配料都好入味。招牌沙嗲牛河主要用沙爹醬炒牛肉同河粉，每條河粉都掛滿醬汁，濃香的沙嗲醬沾滿每一條幼滑的河粉，牛肉鮮嫩。整體黎講食物質素都好高，想食潮菜可以黎一試，食物種類都好多。