影片
更多
2018-06-08
129 瀏覽
難得今日嚟到屯門見客，就梗係約番啲屯門友出嚟食飯啦，我朋友帶咗我嚟呢間稻城小館，佢話食過幾次覺得呢度啲口味唔錯，所以極力推介我嚟呢度食。適逢呢個食飯時間，人客都比較多，我哋喺門口等左大約15分鐘，侍應就安排左位俾我哋啦。店入邊真係座無虛席㗎。入咗之後侍應就為我地奉上餐前小食，仲好細心咁幫我地倒好熱茶，餐前小食係一啲嘅黃豆，脆卜卜，食到停唔到口。蟹粉小籠包，真係成個湯包咁，薄薄既皮，包住大大而又香滑既肉，一咬落去啲湯汁就流晒出嚟，仲要有蟹粉，份外滋味。一上枱就聞到紹興酒嘅香氣，醉雞冰冰涼涼，雞皮爽脆彈牙，雞肉鮮嫩充滿着濃郁嘅酒香味，食完啲雞，我哋連個紹興酒都飲咗，仲充滿着雞嘅香味我見餐牌寫住呢個炒飯叫稻成炒飯，咁應該係招牌菜啦，一上枱就知道自己冇叫錯，份量好大份，色澤均勻，粒粒分明，飯唔會太濕而且好乾身，充滿鑊氣，入面仲會有啲蝦釣下味添，呢個飯真係又甘又香。呢味糖醋魚塊果真色香味俱全，魚肉鮮嫩，果汁甜甜酸酸，入口啖啖肉，好好送飯，顏色漂亮，齒頰留香。就連伴菜都新鮮爽脆。呢味水煮牛肉就認真夠辣啦牛肉好嫩滑，一啲根都無，份量又多，而且寶物沉歸底，個底會有好多芽菜同薯粉，薯粉好彈牙有咬口，最適
適逢呢個食飯時間，人客都比較多，我哋喺門口等左大約15分鐘，侍應就安排左位俾我哋啦。店入邊真係座無虛席㗎。
入咗之後侍應就為我地奉上餐前小食，仲好細心咁幫我地倒好熱茶，餐前小食係一啲嘅黃豆，脆卜卜，食到停唔到口。
蟹粉小籠包，真係成個湯包咁，薄薄既皮，包住大大而又香滑既肉，一咬落去啲湯汁就流晒出嚟，仲要有蟹粉，份外滋味。
一上枱就聞到紹興酒嘅香氣，醉雞冰冰涼涼，雞皮爽脆彈牙，雞肉鮮嫩充滿着濃郁嘅酒香味，食完啲雞，我哋連個紹興酒都飲咗，仲充滿着雞嘅香味
我見餐牌寫住呢個炒飯叫稻成炒飯，咁應該係招牌菜啦，一上枱就知道自己冇叫錯，份量好大份，色澤均勻，粒粒分明，飯唔會太濕而且好乾身，充滿鑊氣，入面仲會有啲蝦釣下味添，呢個飯真係又甘又香。
呢味糖醋魚塊果真色香味俱全，魚肉鮮嫩，果汁甜甜酸酸，入口啖啖肉，好好送飯，顏色漂亮，齒頰留香。就連伴菜都新鮮爽脆。
呢味水煮牛肉就認真夠辣啦牛肉好嫩滑，一啲根都無，份量又多，而且寶物沉歸底，個底會有好多芽菜同薯粉，薯粉好彈牙有咬口，最適合配呢啲麻辣湯，而且個湯好重花椒八角嘅香氣，好有特式
呢款炸饅頭同普通嘅饅頭冇咩特別，勝在新鮮炸起，外脆內軟，點啲煉奶食，充滿童年嘅回憶。
高力豆沙係我必叫嘅甜品，炸到金黃色，再灑上薄薄嘅糖霜，入口鬆化彈牙，豆沙又唔會好糖，真係食到停唔到口。
豆漿冰凍又唔會好甜，夠晒健康
張貼
