潮福蒸氣石鍋 (已結業)

平時朋友之間都會成日四圍一齊去搵食，特別海鮮就係我哋其中之一個最愛。因為海鮮最簡單莫過於食佢個鮮味，只要食材新鮮已經非常滋味。而今晚就同朋友去到西環一齊潮食小鮮肉啦。餐廳內共分為兩層，7點幾去到都唔算太多人而上到去環境舒適，同埋地方都好乾淨。內裡亦有一個調味吧，有不同醬料可以選擇，而且仲有好多汽水、韓式飲品。脆皮乳鴨 乳鴨 燒得金黃肉嫩睇見都流哂口水，而且外皮真係脆卜卜，唔錯。貝殼盛盆 肉質爽口仲有好多肉汁，而且最重要入面好乾淨唔會有沙。 生猛龍蝦龍蝦事先開邊睇得出非常新鮮，而且大大隻嘅龍蝦仲有Ｄ膏，食果陣真係不得之了，啖啖龍蝦鮮甜爽口，好有驚喜。北韓鮮鮑魚 其中一個最鐘意嘅海鮮，大廚事先已將鮑魚切紋再加入蟲草花特材料，味道爽甜，唔駛沾任何醬汁都好好味。生猛大元貝 用材新鮮，最重要佢個粉絲放底，令到可以吸哂元貝精華，每一啖都非常鮮味。北海道北寄貝 外觀有少少粉紅色，比蜆肉更為爽口，同樣鮮甜。馬拉糕 食咗咁多海鮮之後，都要食呢個馬拉糕 ，因為真係非常鬆軟亦唔會過甜，做甜品真係一流。瑤柱淮山粥最後當然唔少得食埋個粥，粥底除咗有瑤柱、准山、米外，亦吸收哂海鮮精華，再飽都要食番一碗。