Mo Mo Kushiage (已結業)

放假必去飲飲食食的我今次選左呢間日本餐廳，餐廳裝修風格似足日本居酒屋，好多地方都係打卡位，員工亦超級友善，食物質素唔錯，絕對推薦比大家！南瓜沙律南瓜混合雞蛋青瓜火腿，另外會提供蘿蔔條、青瓜條同紅蘿蔔條比你夾埋一齊食，味道出奇地好味，平時唔食南瓜的我都覺得好食！五點刺身拼盤刺身包括有天使蝦、三文魚、帶子、松葉蟹腳同三文魚籽，五款刺身都好新鮮，啖啖肉，再點上特製木魚豉油，味覺的享受！鹽燒牛小排份量好夠，會配上鹽同炸蒜比你搭配埋一起食，唯一美中不足係有d乾，如果再濕潤返小小口感會更佳！荷蘭豚肉卷豚肉卷有四種口味，包括醃甜酸薑、芝士、大蔥同梅醬味，四種口感都唔差，但特別欣賞甜酸薑味，口感好特別，酸酸甜甜同豚肉都幾夾！黑松露牛油錫紙焗雜菇最鐘意食菇的我當然必點呢個，超重黑松露牛油味，完全係停唔到口，差唔多全部都係我食哂，超級好食！