百樂小館 (已結業)

尖沙咀美麗華商場食肆種類多，中西日韓花多眼亂，與朋友經過一輪篩選後，決定選擇位於商場4樓嘅百樂小館，一間評價相當高嘅潮式美食餐館。餐館內部裝潢簡潔光亮，集合日式與時代感的綜合設計，座位間隔寬敞舒適，成為今次選擇幫襯嘅原因之一。至於食物方面，更令人回味無窮，性價比絕對處於一個值得推薦嘅高位。首先上桌嘅係潮州菜中，地位舉足輕重嘅滷水系列之“滷水鵝肉拼盤”，拼盤包括有軟腍得來有嚼口嘅鵝肉片、肥瘦比例均衡嘅五花腩肉、爽彈嘅墨魚片、滷得入味而又唔乾身嘅滷水蛋以及口感香滑嘅豆腐，每款都滷得非常之入味，香濃非常。“五香炸芋絲卷”，一道未上枱已聞到陣陣芋香味，聞說五香香料與芋頭從來都係絕配，被香料醃過後再炸嘅芋絲卷外脆口內綿香，令人食慾倍增。以肉質結實、魚肉濃香嘅鷹鯧烹調嘅“豉油王煎鯧魚片”，每一口魚肉都鮮香肥美，叫人如何能不愛它呢！不得不提嘅係呢款“家鄉乳香骨”，與市面嘅乳香骨比較，百樂嘅乳香骨肉質嫩滑之餘肉汁亦豐富，軟腍口感的確令人喜出望外。天氣寒冷，最啱食呢款熱辣辣又暖胃嘅“手打魚蛋煮津菜煲”，軟綿津菜軟而不爛，帶有方魚清甜香味嘅湯汁特別醒胃，手打魚蛋更是彈牙香滑，食完之後個胃暖笠笠，正。最後，