影片
更多
2022-06-27
49 瀏覽
早排去咗尖沙咀人和月雞煲火鍋店試咗最新推出嘅酥皮芝士麻辣雞煲，食完再揀湯底打邊爐放題，真係大滿足呀！ ~酥皮芝士麻辣雞煲 【升級+$58 2人份量】雞件夠嫩滑，好入味，2人份量大概有半隻雞左右，雞煲配料亦好足，紫洋蔥好甜呀！麻辣度可以揀，點咗小辣，唔知係咪因為有芝士，所以中和咗辣度，而不得不說係沾咗麻辣汁嘅酥皮，出乎意料咁夾，比想像中好食。 ～野菌冬瓜湯火鍋湯底有8款，全部都好吸引。呢個野菌冬瓜湯底勁足料，一大舊冬瓜肉配上海量雜菌，湯底幾清甜。 今次揀咗每位$298 套餐A，套餐包咗4款美國牛肉如牛板腱、牛胸爽等都可以任食，而另一款美國牛下肩只會上一次，個人比較喜歡牛板腱，幾嫩同肉味夠，另外餐廳好細心，上牛肉時會有牌仔表示部位，一目了然！ 其他火鍋配料可以係QR code落單或者餐廳自助區選取。丸類都幾特別，有芋泥包心貢丸同馬蹄黑椒貢丸，而蔬菜雜菌都大路，有10款左右。墨魚滑味道唔錯，整體食材幾新鮮。 飲品方面款式算多，有樽裝汽水及自家制特飲，洛神花蜜幾好飲。甜品區亦好有特色，有豆腐花、芋圓、渣咋等，豆腐花味道唔錯，豆味幾濃，真係食到好飽呀！ 整體用餐體驗唔錯，餐廳夠光猛，同時幾新淨企
~酥皮芝士麻辣雞煲 【升級+$58 2人份量】
雞件夠嫩滑，好入味，2人份量大概有半隻雞左右，雞煲配料亦好足，紫洋蔥好甜呀！麻辣度可以揀，點咗小辣，唔知係咪因為有芝士，所以中和咗辣度，而不得不說係沾咗麻辣汁嘅酥皮，出乎意料咁夾，比想像中好食。
～野菌冬瓜湯火鍋
湯底有8款，全部都好吸引。呢個野菌冬瓜湯底勁足料，一大舊冬瓜肉配上海量雜菌，湯底幾清甜。
今次揀咗每位$298 套餐A，套餐包咗4款美國牛肉如牛板腱、牛胸爽等都可以任食，而另一款美國牛下肩只會上一次，個人比較喜歡牛板腱，幾嫩同肉味夠，另外餐廳好細心，上牛肉時會有牌仔表示部位，一目了然！
其他火鍋配料可以係QR code落單或者餐廳自助區選取。
丸類都幾特別，有芋泥包心貢丸同馬蹄黑椒貢丸，而蔬菜雜菌都大路，有10款左右。墨魚滑味道唔錯，整體食材幾新鮮。
飲品方面款式算多，有樽裝汽水及自家制特飲，洛神花蜜幾好飲。甜品區亦好有特色，有豆腐花、芋圓、渣咋等，豆腐花味道唔錯，豆味幾濃，真係食到好飽呀！
整體用餐體驗唔錯，餐廳夠光猛，同時幾新淨企理，坐得幾舒服，而且店員非常親切，又會主動講解菜式，服務好好非常加分呀。
張貼
