影片
更多
2024-06-24
643 瀏覽
潮龍園由知道潮龍園開喺葵芳之後，都好期待佢哋快d裝修完，我就快d有得食，終於葵芳潮龍園喺4月15號開張，開張當日買咗外賣返屋企食，當時亂到九彩，外賣又錯，前幾日食堂食，已經無咁亂，只係亂咗凍檸檬茶變咗凍奶茶，要比d時間人哋適應，始終我心愛嘅潮龍園由荃灣食到元朗，依家再食埋葵芳，我應該做得代言人啦，哈哈，講笑！1.崩沙牛腩幼麵$50+凍鴛鴦$3（9.5/10）呢碗崩沙牛腩幼麵份量好多，崩沙牛腩大約有10舊，每一舊肥瘦不明，牛腩肉質軟淋唔痴牙，牛味算重，湯底係腩汁，相對啱啱開張果時湯底好咸，依家味道已經改善咗，再淡多少少就更好！凍鴛鴦：呢杯凍鴛鴦下午茶只係加$3，好滑略為帶少少酸！2.柱侯牛腩幼麵$35+凍奶茶$3（8.5/10）呢碗柱侯牛腩幼麵份量好多，牛腩比較偏瘦，大約有8舊，牛腩如果肥多少少就更好，牛味算重，湯底係腩汁，相對啱啱開張果時湯底好咸，依家味道已經改善咗，再淡多少少就更好！凍奶茶：呢杯凍奶茶夠香滑，茶味唔會好出，錯有錯著，原本係叫凍檸檬茶，拎錯咗凍奶茶都幾好飲！3.炸香酥魚皮$15（10/10）呢間葵芳潮龍園炸香酥魚皮係用保鮮袋袋住，保鮮得嚟又保持好脆，入面份量都唔少，每一
由知道潮龍園開喺葵芳之後，都好期待佢哋快d裝修完，我就快d有得食，終於葵芳潮龍園喺4月15號開張，開張當日買咗外賣返屋企食，當時亂到九彩，外賣又錯，前幾日食堂食，已經無咁亂，只係亂咗凍檸檬茶變咗凍奶茶，要比d時間人哋適應，始終我心愛嘅潮龍園由荃灣食到元朗，依家再食埋葵芳，我應該做得代言人啦，哈哈，講笑！
1.崩沙牛腩幼麵$50+凍鴛鴦$3（9.5/10）
呢碗崩沙牛腩幼麵份量好多，崩沙牛腩大約有10舊，每一舊肥瘦不明，牛腩肉質軟淋唔痴牙，牛味算重，湯底係腩汁，相對啱啱開張果時湯底好咸，依家味道已經改善咗，再淡多少少就更好！
凍鴛鴦：呢杯凍鴛鴦下午茶只係加$3，好滑略為帶少少酸！
2.柱侯牛腩幼麵$35+凍奶茶$3（8.5/10）
呢碗柱侯牛腩幼麵份量好多，牛腩比較偏瘦，大約有8舊，牛腩如果肥多少少就更好，牛味算重，湯底係腩汁，相對啱啱開張果時湯底好咸，依家味道已經改善咗，再淡多少少就更好！
凍奶茶：呢杯凍奶茶夠香滑，茶味唔會好出，錯有錯著，原本係叫凍檸檬茶，拎錯咗凍奶茶都幾好飲！
3.炸香酥魚皮$15（10/10）
呢間葵芳潮龍園炸香酥魚皮係用保鮮袋袋住，保鮮得嚟又保持好脆，入面份量都唔少，每一舊都炸得好香脆，每一舊長度大約有成年人手掌咁長，每一袋炸魚皮大約有10舊，全部炸魚皮都好完整，唔會壓碎哂，真心好正！
2人總共價錢$106
個人口味總評分：9.33/10
地址：葵芳興芳路177號葵芳廣場地下6號舖
Please follow me🙆♂️ @wheelchaireatinhongkong
如果鍾意我嘅分享，麻煩請follow我，仲有記得Like同Share！🙏🏻🙇🏻♂️
#潮龍園 #葵芳好去處 #葵芳美食 #葵芳廣場 #香港美食 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong
張貼
