影片
更多
2017-08-03
1451 瀏覽
原來西貢有間小店, 唔經唔覺係小巷做咗幾年生意.....一個「非常個性鮮明、性格突出、人人讚佢擇善固執」既老細跟日本師傅學師回來, 係西貢開店, 熱到爆既日子, 難得朋友遠道而來就入去試下。當時吧台得1男1女應為老細既朋友, 老細同老闆娘係度我懷疑老細執著既, 由始至終係咖啡以外既野, 就係好似皇帝咁想所有人服從過一來到我地面前, 我地想問下野, 即刻發出「深層次令人印象深刻而極有個性」既回應:「不如你地睇咗呢頁先」成頁紙要求CAFE似自修室唔好當佢地係Starbucks,第一樣大忌已經犯咗, 我都有跟日本老師學習日本文化, 日本文化本來就係「內部從嚴」, 「對客第一」:「唔係話客人是對的, 但係禮貌上佢地會做足, 那怕係假」既然呢度唔係日本, 我又入咗去, 剛病好既身體又唔好意思係朋友面前發脾氣, 我就忍咗。到我坐定想落單, 成20分鐘都唔行埋嚟, 因為朋友睇唔明menu講咩(純英文, 對於一個冇乜咖啡經驗既人嚟講太hard)我行去吧台問野, 這個「深有個性」、「值得執著技術」既老細即刻覺得我阻著佢同朋友傾計咁。你冇禮貌唔招呼都算, 問多兩句你講野個種冇禮貌法請問是什麼意思?? (黑
一個「非常個性鮮明、性格突出、人人讚佢擇善固執」既老細
跟日本師傅學師回來, 係西貢開店, 熱到爆既日子, 難得朋友遠道而來就入去試下。
當時吧台得1男1女應為老細既朋友, 老細同老闆娘係度
我懷疑老細執著既, 由始至終係咖啡以外既野, 就係好似皇帝咁想所有人服從過
一來到我地面前, 我地想問下野, 即刻發出「深層次令人印象深刻而極有個性」既回應:「不如你地睇咗呢頁先」
成頁紙要求CAFE似自修室唔好當佢地係Starbucks,
第一樣大忌已經犯咗, 我都有跟日本老師學習日本文化, 日本文化本來就係「內部從嚴」, 「對客第一」:
「唔係話客人是對的, 但係禮貌上佢地會做足, 那怕係假」
既然呢度唔係日本, 我又入咗去, 剛病好既身體又唔好意思係朋友面前發脾氣, 我就忍咗。
到我坐定想落單, 成20分鐘都唔行埋嚟, 因為朋友睇唔明menu講咩(純英文, 對於一個冇乜咖啡經驗既人嚟講太hard)
我行去吧台問野, 這個「深有個性」、「值得執著技術」既老細即刻覺得我阻著佢同朋友傾計咁。
你冇禮貌唔招呼都算, 問多兩句你講野個種冇禮貌法請問是什麼意思??
(黑人問號)
---> 我去日本都遇過無禮貌既店員, 但知我識日文同唔係日本文化外行人, 成個態度轉返禮貌多點,
大家萍水相逢各不相欠, 識沖咖啡你估識「降龍十八掌」? 係客人面前來招「神龍擺尾」, 唔閃係咪都要擋?
後尾問返朋友先知係一種marketing既手段, 等你印象深刻, 然後會再返轉頭。
所以回頭客真係幾多, 到我走個陣成個廳都坐滿一半有多, 後面仲有對情侶。
但睇返之前啲食評, 佢啲朋友都幾好心機:
- 係入面坐6小時嘆咖啡, 又感受下人流同寧靜什麼個篇抒情文 --> 同食一口拉麵有童年回憶有咩分別?
- 佢杯咖啡當你慢慢飲, 你唔吹水你坐到6小時?
問題來了: 佢會唔會俾你坐6小時飲一杯野??
另一篇就話要用返「珈啡」尊重個老細既執著, 大佬你唔係林日曦定周杰倫, 當自己名人?
- 你對咖啡有要求係你既事, 你跟日本師傅從嚴, 理論上係要做好杯咖啡先對得著你師傅
- 我都跟過日本老師, 咖啡好唔好飲其次, 心術居首, 同習武一樣, 我冇欠你, 你黑我面俾說話我聽做乜?
仲記得落order個陣, 我唔小心講咗句「兩杯咖啡係咪可以跟芝士蛋糕」,
我意思係, 係咪可以叫, 你menu又冇寫, 又唔行埋嚟講, 芝士蛋糕價錢都冇, 單係咁我去消委會留定底都得,
你認真「有個性」同我「說明」(字眼好正面自己幻想下)?
我都叫學過日本文化同日語, 但「個性鮮明」既老細啲 manner真係令我十分「驚嘆」=]
佢結果好爽快睥實我應一句:「唔可以用個「跟」字, 我地啲野係散叫, 仲有我地啲咖啡唔落糖唔落奶」
我野都唔想應佢行返埋位, 當時全店得我同朋友兩個人。
係出面見到篇訪問先知佢跟過日本師傅學沖咖啡,
佢最後兩杯印尼豆同巴布亞豆既咖啡(我地話要飲「甘啲」,
費事佢又俾說話我地聽, 我同朋友完全唔敢影相放上網, 抱歉照片欠奉。
但兩杯咖啡, 等於我之前去台灣高雄, 有個師傅係我面前沖, 佢用巴西既豆,
我冇乜深究, 但我知唔同氣候、培育方法、土壤品質, 之後點樣煮豆同沖法,
對咖啡豆係有顯著不同既效果同味道出嚟。
佢個兩杯野夠火喉, 但同我係台灣個杯飲既仲有段距離^_____^
(人地只係一架車有張椅俾人坐係碼頭飲, 圍返港紙70元, 你收人地一個雙倍.....質素唔講, 加埋態度, 嘩, 抱歉我寧願飲第二間私營,
質素唔比你差)
我覺得「個性鮮明」既老細佢真係「好叻」, 對咖啡好執著,
我朋友好正面形容佢:「有性格」
我亦都聽朋友分析返, 原來係佢「開店風格」。
(入得來幫襯你預咗受, 係咪行得出街預咗比人打劫?)
最後埋單行埋嚟, 又係好唔客氣,
我地等咗陣, 之後就一野彈句「有咩幫到你」
單又冇張, 芝士蛋糕唔埋單都唔知40蚊件, 但質素.....算啦我唔想再提
我地走個陣都陸續有客來, 都係中年人士, 而且有些仲要坐吧台,
隱約聽到個老細仲係度解釋「品啡之道」
老老豆豆, 你呢種咁既態度, 你間店真係得回頭客同朋友識野 - 呢度咁多打手....間野點解可以係度做咗兩年左右有多。
我見到instagram都幾多blogger tag佢呢間野宣傳,
講豆既研究, 我覺得老細係有佢一套, 始終跟過師唔係亂來
但食評話欣賞佢執著, 對咖啡講究什麼
有日式師傅風格, 無日本重客之道, 我朋友第二日為咗佢杯「假期限定」而好早再去飲,
我費事再去, 陣間一個唔覺意, 我唔想係youtube或者facebook直播等見到自己。
其他野留返下面補充, 至於個啲「溫馨提示」, 大家自行睇完判斷啦!
希望「個性鮮明」既老細, 仲有「一群」熱心打手同老細好老友的,
你地自己諗諗係咪咩客都要第一野拎把刀出來嚇人
同埋兇人係咪大哂=]
芝士蛋糕, 巴布亞豆煮咖啡
$140
153 瀏覽
0 讚好
0 留言
題外話/補充資料：
總括而言:
- 唔好諗著佢會好似日本人咁好禮貌, 但我唔知日本個師傅幾時教佢咁樣對客人, 真有「禮貌」
- 如果你比較火爆, 建議你唔好落單或者同佢傾計, 釀成不必要的誤會就唔太好
- 如果你好鍾意研究咖啡豆既類別同煮出來既不同, 呢度可能o岩你, 其他cafe未去到咁深既地步
- 有咩唔明到時即管問, 我諗唔會有人飲完一杯跟著就覺得人生充滿xxx之類
-考慮將成件事交俾「消費者委員會」跟進=]
(以上食評乃用戶個人意見 , 並不代表OpenRice之觀點。)
張貼
