小島•澳門菜 (已結業)

環境4分：簡單西餐廳格局，葡式磚牆地磚好有澳門特色，藍藍白白咁望落去真係好似過咗大海，卡位又好坐，可以畀四分。衛生4分：水吧，雪櫃，餐枱，四周圍都好光鮮乾淨，都可以畀四分。服務5分：在餐廳外面，侍應已經好有心機地解釋午餐有什麼東西。樓面Ｄ侍應個個都好好禮貌，埋位即有水飲，又會推介招牌菜，落單上菜又夠爽手，走前拜拜都笑住講，畀硬五分。味道5分：1)      田園沙律入面呢Ｄ菜非常新鮮，有蕃茄同橄欖，Ｄ沙律汁又唔會太過多。2)      個忌廉蘑菇湯唔太漏，塊蒜茸包又脆又厚又鬆，非常好味。3)      個十月初五蝦籽松露意大利麵個松露味好香，Ｄ麵夠彈，個醬好light。4)      個乳豬件伴特色炒飯先堅，果四件乳豬層皮脆到呢，唔識形容咁好，Ｄ肉又軟又滑，好味，好味，好好味！個特色炒飯又香又潤。5)      餐飲夠凍，味道正常。抵食5分：去一轉澳門船飛都要幾舊水，食個五分乳豬炒飯午餐百幾蚊，包左沙律或湯，同飲品，食到呢Ｄ乳豬嘅級數，除非係高級餐廳預先訂又或者係貴到飛起，小島絕對絕對抵食。