影片
更多
2018-06-19
660 瀏覽
打邊爐並不是冬天的專利!!今日約朋友食飯去咗悅來酒店樓下的牛之鍋，嘆住冷氣十下十下!雖然只係兩個人都畀咗張四人枱，所以坐位非常闊落。呢度係放題形式，除咗打邊爐任食之外呢，仲有壽司刺身、炸物、海鮮、甜品等等，淨係睇menu都已經目不暇給。食放題第一樣嘢梗係試下刺身同埋壽司先!1) 各式壽司 / 刺身(⭐⭐⭐⭐💢):三文魚厚切嘅油脂分佈平均，八爪魚，螺片等都係水準之作。壽司就推介芝士炸蝦卷同反卷，朋友仔話炸蝦卷好脆好好味。2) 湯底(⭐⭐⭐⭐⭐):蕃茄薯仔牛肉粒+麻辣雙拼湯底(雙拼+18)! 睇到其他食家推薦蕃茄湯，當然要試下啦!估唔到真係好正，好似屋企煲湯果隻味，一飲就知好足料。啲火鍋料吸哂湯嘅味已經夠哂味，唔駛點混醬都已經好好味，啲醬料近乎無點過。因為唔太食得辣，麻辣就交俾朋友，佢都表示好唔錯。3) 肉類(⭐⭐⭐⭐⭐):選擇唔係好多，但勝在質素唔錯，特別推極上牛肉。牛肉油脂有香味，加埋蕃茄湯底簡直係一個享受。豬同羊既水準也OK。4) 火鍋配料(⭐⭐⭐⭐💢):餐廳有一個自助BAR，俾你自己去拎，麵，年糕，菜都係自助既。如果出面無既就可以剔紙。我地叫左好多丸黎試下，芝士丸好好味，午餐肉吸埋
雖然只係兩個人都畀咗張四人枱，所以坐位非常闊落。
呢度係放題形式，除咗打邊爐任食之外呢，仲有壽司刺身、炸物、海鮮、甜品等等，淨係睇menu都已經目不暇給。
食放題第一樣嘢梗係試下刺身同埋壽司先!
1) 各式壽司 / 刺身(⭐⭐⭐⭐💢):
三文魚厚切嘅油脂分佈平均，八爪魚，螺片等都係水準之作。壽司就推介芝士炸蝦卷同反卷，朋友仔話炸蝦卷好脆好好味。
刺身拼盤
17 瀏覽
0 讚好
0 留言
各式壽司
16 瀏覽
0 讚好
0 留言
2) 湯底(⭐⭐⭐⭐⭐):
蕃茄薯仔牛肉粒+麻辣雙拼湯底(雙拼+18)! 睇到其他食家推薦蕃茄湯，當然要試下啦!估唔到真係好正，好似屋企煲湯果隻味，一飲就知好足料。啲火鍋料吸哂湯嘅味已經夠哂味，唔駛點混醬都已經好好味，啲醬料近乎無點過。因為唔太食得辣，麻辣就交俾朋友，佢都表示好唔錯。
湯底
21 瀏覽
0 讚好
0 留言
3) 肉類(⭐⭐⭐⭐⭐):
選擇唔係好多，但勝在質素唔錯，特別推極上牛肉。牛肉油脂有香味，加埋蕃茄湯底簡直係一個享受。豬同羊既水準也OK。
極上牛(左上)，美國牛(右上)，豚(左下)，羊(右下)
26 瀏覽
0 讚好
0 留言
4) 火鍋配料(⭐⭐⭐⭐💢):
餐廳有一個自助BAR，俾你自己去拎，麵，年糕，菜都係自助既。如果出面無既就可以剔紙。我地叫左好多丸黎試下，芝士丸好好味，午餐肉吸埋啲湯底精華都好正。
火鍋配料
18 瀏覽
0 讚好
0 留言
火鍋配料
39 瀏覽
0 讚好
0 留言
5) 炸物(⭐⭐⭐⭐⭐):
呢度最估你唔到係，除左火鍋，啲炸物真係好出色。我地初頭只係叫左一兩樣，最後每款都叫哂黎試。粉漿厚薄恰到好處，食落去粉漿好香脆，入面嘅蔬菜，蝦亦都熟得岩岩好。我最鐘意茄子，口感外脆內軟。
各式炸物
19 瀏覽
0 讚好
0 留言
6) 甜品(⭐⭐⭐⭐⭐):
食完邊爐、刺身、炸物同壽司，已經好滿足。但，甜品總有第二個胃，雖然好飽依然要點甜品。佢啲甜品好有誠意，有芭菲，雪花冰，楊枝甘露等等，唔似一般放題只有雪糕同豆腐花。我地兩個人叫左個芒果雪花冰淺嚐，食落好綿好香芒果味，仲要爆珠珠。
芒果雪花冰
25 瀏覽
0 讚好
0 留言
可惜太飽已經食唔落更多，下次應該叫一大班朋友黎試哂佢啲甜品!
張貼
