添福小食 (已結業)

碌電話又搵到新野試啦,添福出左post 有新野,爆爆珠乳酸梳打,一睇我就好想試,咁啱街坊去完魚街,咪叫佢幫我買杯外賣囉XDD一買左掛住飲,唔記得影,飲飲下先記得XDD唔...點講呢? 一入口係冰涼汽泡,跟住乳酸既酸酸甜甜,會忍唔住用條脷料D 珠珠,再一野咬爆佢XDD珠珠入面既乳酸係口入面爆發,非常好玩,本身好鍾意食三文魚子呀蟹子呀哩類咬爆好味食物既我非常開心XD下次要加多份珠!!!!其實一間店要持久營運,除左要保持水準,推陳出新比D 新意刺激下客人都係必須既.