貝‧料理 (已結業)

今日Lunch gathering老闆請食鐵板燒丫同事BK左間係旺角專食貝類既日本餐廳~~ 好特別喎, 係香港真係好少有專食貝類既餐廳, 超鍾意食貝類既我表示好期待丫!!!餐廳唔算好大, 仲要係bar枱式可以望住師傅整鐵板燒我地每人一個SET鐵板 $280~~一共7道菜式.....時令貝蕃茄野菜沙律第一個菜式就係沙律喇~時令貝係北寄貝, 沙律菜好新鮮, 醬汁酸甜好開胃!帶子貝伴日本漬物粒粒凍帶子非常鮮甜, 食到帶子既原汁原味日本漬物蒜頭, 蒜頭入口好爽口, 又唔會話好大蒜味, 食完都唔覺係食緊蒜頭呢~~季節貝湯呢個龍蝦湯超好飲丫!! 龍蝦味勁濃!! 聽講師傅餚左好耐呢~~湯內仲有小帶子, 豆腐 & 海帶等配料~日式清酒煮蜆清酒味道岩好, 唔會太濃式太淡, 好味到俾我當湯成碗飲晒添呢類蜆肉大大粒, 爽口鮮甜美味鐵板燒美國牛小排睇住師傅即燒感覺特別正牛小排有3塊, 約5成熟~肉質軟腍帶少許筋, 肉汁豐富伴菜除左有豆同椒外, 仲會有貝類呢鐵板燒貝類炒飯炒飯好香呀! 飯粒粒粒分明~唔會太乾或太溼, 配料分量亦唔少...幾乎每啖都食到小帶子丫