影片
更多
2015-05-08
3413 瀏覽
原本被人哋post嘅相片吸引住，一心來試下，點知換嚟激鬼氣。首先原本想訂尖沙咀分店，但打咗成日電話都冇人接聽，唔知係咪唔想做生意，於是改訂銅鑼灣分店。電話訂枱平平無奇，但到步坐低就出事。等人期間多口問句有冇分時段，個侍應唔知道要去問，得返嚟個答案係 ... "你哋得個半鐘咋" what !! 晚飯仲要係燒烤得個半鐘，去打杖嗎？？但隔離枱又有人問同樣問題，佢哋答兩個鐘，到底個半鐘定兩個鐘？還是仍有第三個答案？冇理佢，等齊人就落單。。。"呢樣係咪燒烤架？" "唔知喎，等我問問先" "呢樣有幾辣呀？" "唔知喎，等我問問先"。。。十問九唔知之餘仲咋睇唔到我哋 只係一味推我哋叫套餐，最後還是堅持散叫。坐低後一碟碟的伴菜即時端上。慕隻醬油蟹之名而來，當然一定會叫。蟹殼身比較淋，一咮就咮到蟹肉出嚟。最正是加飯入蟹蓋撈埋蟹羔一齊食～～唔知係咪驚我哋唔夠時間燒，上枱時已經燒好了，也罷，反正條魚又大又厚肉，唔乾幾好味豆腐湯落單時個侍應話幾辣，但入口另一回事，辣呢樣嘢好抽象～～無語！豬皮一碟有四塊，未食過即管試下，豬皮本身冇乜味，好有o趙頭！五花腩肉本身冇加味，所以燒完都係冇味，靠晒豆板醬。反而呢個蒜味
冇理佢，等齊人就落單。。。"呢樣係咪燒烤架？" "唔知喎，等我問問先" "呢樣有幾辣呀？" "唔知喎，等我問問先"。。。十問九唔知之餘仲咋睇唔到我哋 只係一味推我哋叫套餐，最後還是堅持散叫。
坐低後一碟碟的伴菜即時端上。
醬油蟹
$198
90 瀏覽
0 讚好
0 留言
鯖魚
$118
66 瀏覽
0 讚好
0 留言
辣豆腐湯
$78
64 瀏覽
0 讚好
0 留言
豬皮
$85
37 瀏覽
0 讚好
0 留言
五花腩
$118
63 瀏覽
0 讚好
0 留言
蒜味護心豬肉
$128
54 瀏覽
0 讚好
0 留言
韓風魷魚
$108
40 瀏覽
0 讚好
0 留言
還有個海鮮豆腐湯，所謂海鮮其實得兩三粒蜆仔。。。唉！
食得一個鐘多啲，個肥侍應（看似係主管級）就攞張單嚟問我哋仲叫唔叫嘢食，唔叫就埋單先。當堂火都嚟，枱面嘅嘢都未食完，兼且仲未燒添，埋單？？咁點呀，打包嗎？？個肥侍應話有好多人排緊隊等位，所以要清返張枱出嚟。但眼見門外冇人等緊位，人呢？？咁猛？？，另外隔離仲有吉枱噃，點解還迫我哋埋單趕我哋走！！！
我哋同佢理論，個肥侍應無言以對，就一手塞張單畀另一個女侍應，"你同佢哋埋單啦" 咁就走咗去。個女侍應都好冇耐但仍有禮貌地叫我哋埋單，我哋仍然係堅持唔埋住，個女侍應不敵後又走咗。
本來還想試下佢哋嘅甜品，但一輪爭論之後冇晒心情食。
題外話/補充資料：
食完走到落街見到先前個女侍應喺街派傳單，唔知係咪叫我哋埋單不成被肥主管點去企街。
(以上食評乃用戶個人意見 , 並不代表OpenRice之觀點。)
張貼
