影片
更多
2016-02-19
287 瀏覽
New York， New York，荃灣裏的紐約 是晚黎到荃新天地開餐，揀左食美國野，美國菜除左出名快餐店外，就係食肉，啱哂我同朋友呀，嘩哈哈。特別嘅橫裝好吸晴～大大嘅美國旗，仲播住老英文歌，幾有feel。雖然等兩張枱等左成二十分鐘，但聽住歌又ok喎 喺門口已選定食物，一坐低即叫。呢個廚師沙律係任何主菜加$10就有，或選餐湯。如果加$25有埋餐飲，咁抵就梗係加左啦。沙律菜用上romaine heart，比起一般沙律菜更嫩更甜。再配上creamy又帶一點點酸嘅沙律醬，一個完美嘅沙律就係咁囉。點了一客小食，美國出名嘅水牛城雞翼，雞翼嫩滑，點一點他他醬更帶出味道嘅層次，可惜雞翼預先制好不夠熱，且醬汁亦不辣，似乎稱不上係水牛城嘅風味。主食叫左芝士牛肉漢堡配薯角，一黎到香噴噴好正呀。切開一人一半，牛肉嫩滑多汁，半熟更添口感，加埋醬汁，芝士，生菜等，仲有咩好挑剔，價錢唔貴又有咁多質素，好滿意。另一主菜要左baby rib半份配粗薯條，嘩嘩，半份都好大條喎，抵食。用上外國進口嘅rib，食落肉嫩不會有一陣豬酥味，而且真係bb豬，好易就切開。本身已醃得好入味，但再加上bbq醬更錦上添花，肉排不肥膩
特別嘅橫裝好吸晴～
大大嘅美國旗，仲播住老英文歌，幾有feel。雖然等兩張枱等左成二十分鐘，但聽住歌又ok喎
喺門口已選定食物，一坐低即叫。呢個廚師沙律係任何主菜加$10就有，或選餐湯。如果加$25有埋餐飲，咁抵就梗係加左啦。沙律菜用上romaine heart，比起一般沙律菜更嫩更甜。再配上creamy又帶一點點酸嘅沙律醬，一個完美嘅沙律就係咁囉。
點了一客小食，美國出名嘅水牛城雞翼，雞翼嫩滑，點一點他他醬更帶出味道嘅層次，可惜雞翼預先制好不夠熱，且醬汁亦不辣，似乎稱不上係水牛城嘅風味。
主食叫左芝士牛肉漢堡配薯角，一黎到香噴噴好正呀。
切開一人一半，牛肉嫩滑多汁，半熟更添口感，加埋醬汁，芝士，生菜等，仲有咩好挑剔，價錢唔貴又有咁多質素，好滿意。
另一主菜要左baby rib半份配粗薯條，嘩嘩，半份都好大條喎，抵食。用上外國進口嘅rib，食落肉嫩不會有一陣豬酥味，而且真係bb豬，好易就切開。本身已醃得好入味，但再加上bbq醬更錦上添花，肉排不肥膩，且啖啖肉，咬兩下就骨肉分離，好味好味。
怕啲野食份量細而叫了一客pizza，點知黎到樣樣都好大碟，包括這個pizza。用的係薄身嘅麵包形餅底，烤得香脆但非餅乾咁脆嘅，多了點煙韌更飽肚。茄醬鮮甜，雞脾肉嫩滑，調味中有點點黑椒，香得黎又刺激一下味蕾，正。
中間仲有露筍，帶了蔬菜嘅清香同水潤，好食。
加25蚊跟嘅餐飲只可選咖啡，奶茶或檸水，呢度用嘅係即打嘅咖啡豆，梗係叫咖啡啦，好香好香，上面一層厚厚嘅奶泡，拉出一個簡單嘅拉花，又靚又好飲，仲好大杯，正呀！
飽到爆食唔哂打包左個pizza，聽日返叮一樣咁好食。
張貼
