孟買廚房 (已結業)

係APP見到午餐有半價，就過嚟試下啦！兩個人叫咗咖喱羊肉煲，蒜蓉薄餅，同埋腰果汁串燒雞。雖然佢叫做咖喱羊肉煲，但佢唔係用煲上，一開頭見到有啲失望。但味道非常美味，洋蔥係煮到好軟身嘅狀態，係我嘅至愛！羊肉方面，肉質好爽，亦容易咬開，唔會起渣。配合鬆軟嘅蒜蓉薄餅簡直一流。而腰果汁串燒雞係用鐵板上，既不是串燒，食落亦無腰果味，但仍然覺得好好味。因為怕雞肉會老，一上菜嘅時候已經將雞肉夾起，淋上檸檬汁同綠色醬汁後，雞肉非常清新，口感嫩滑，超級好食。雖然上菜時食物總係貨不對辦，但會帶來啖啖驚喜，值得一試。