皇后冰室 (已結業)

近來紅磡一帶新開好幾間食店，是晚放工同附近住既友人一齊試皇后冰室鋪內格局比茶記高級少少，燈光稍為昏暗，枱面有瓷磚裝飾，幾特別。Set Dinner有十幾款，扒類、意粉、飯都有，幾多選擇。叫咗份黑松露野菌大蝦蛋包飯，友人則叫燒春雞配意粉。全部套餐都包餐湯、蒜蓉包同飲品。餐湯正常味道，蒜蓉包蒜蓉味足夠但焗得唔夠脆（可能放到淋咗 ）。飲完湯無幾耐就上主菜喇！賣相非常吸引，一上枱就聞到好香黑松露味，份量亦唔少食落口，原來仲有好香同creamy既野菌忌廉汁雖然忌廉汁同黑松露都係好重味道既野，但唔會互相搶味，仲好夾添不過所謂「大蝦」其實係普通蝦仁，有少少貨不對辦喎。另外蛋包飯其實係蛋皮鋪飯，好彩蛋煮得尚算滑，而且有惹味既汁搭夠，收貨啦。友人既燒春雞，份量一樣唔少！冇試食到，但友人話好食，而且夠多菜，都值得推介咁喎。下次有機會試吓其他餐先！