東京アグラ (已結業)

今晚特意去灣仔試Agura魚介拉麵，記得好耐以前在尖沙嘴柯士甸路試過，舊時魚介湯底已經一試難忘，記得碗麵Size比較細，但今次搬到灣仔後，拉麵款式多了選擇，起碼連沾麵都有10款，碗麵都大碗咗！值得一讚！之前網上見到拉麵有黑松露，但睇哂成個Menu都無，問問店員原來每款麵加$15就另上黑松露，最後店員提議我試「特製豚骨魚介醬油拉麵」，可以試到薄叉燒同厚身豬腩肉！先講湯底，先喝一口魚介味非常濃好厚身，但唔鹹，味道恰到好處！半熟蛋稍嫌不夠Runny！塊大叉燒同平時食到既味稍為唔同，食落味道似火腿，可能落既醃料唔同Braised得唔夠。麵質彈牙剛剛好！下次會想試下沾麵！最失望肯定係呢舊肥豬腩肉，好鹹，非常鞋口！咬咗1-2啖已經食唔到！希望下次會煮得好D！