金鶴拉麵 (和富道) (已結業)

今日夜晚聽朋友介紹去左呢間拉麵店試一試。一場黎到當然要試佢地主打嘅濃厚雞白湯拉麵，賣相方面已經好吸引，尤其係個炸牛蒡相當特出，最好唔點湯食會更加脆同食到佢嘅原味。忍唔住即刻飲左一啖個湯，果然無介紹錯，湯底夠曬濃味，而且雞嘅香味相當入味，上面仲有一層泡沫，夠曬creamy。肉方面同樣無令我失望，兩片豚肉叉燒好肥美同香，而我就更鍾意兩片慢煮雞肉，口感甚佳，好容易咬，而且雞肉本身嘅味道都無流失，同個濃厚雞湯好夾。