越華會海鮮小館 (已搬遷) 新店位置

o黎過越華會好多次，每次都好滿足咁離開。呢度環境唔算理想、服務又唔見得好，但係食物真係好o岩我呢o的鍾意食濃味o野既人。油鹽水煮蜆係「賣飛佛」，胡椒味勁濃勁辣勁好味，必食；仲有椒鹽鮮魷，鬆化得黎又唔油膩，正！（只要食既時候唔好諗住膽固醇）；蒜香骨又係超正但超肥之選，甜甜地，加埋o的炸蒜粒，真係好好食！炸豆腐係另一超水準之作，外脆內軟，細細磚，令人一試愛上！食過佢既避風塘炒蟹兩次，覺得一般，始於鍾情其他菜式多o的。希望呢間小店可以一直保持水準，令我有藉口比自己間唔中放肆下！