富士山55 (拉麵沾麵專門店) (已結業)

得閒一路過CWB 又走左去食沾麵,認真好食,通常慣例都會加粒半熟蛋, 半熟蛋配濃濃既豬骨湯係最正!麵既份量正常,唔會過少, 沾麵麵身會比較粗身,咬落時候口感會更爽口同彈牙!湯係另外上的, 味道比一般拉麵更濃, 因為要沾上麵上,所以湯濃+麵身要吸汁先會好食~ 呢間2樣都做到~同埋呢間餐廳中間有個電爐, IN CASE 如果湯凍左,都可以即刻整返熱黎食! 食完有時佢地可以加個飯去撈埋D湯黎食,我食過一次, 但麵已經好飽, 今次就無加了!通常拉麵店唔知點解得汽水飲,好彩呢到有綠茶,可以消消油,感覺健康D~