666泰船麵 (仁愛街) (已結業)

朋友帶我去食好野，新蒲崗都有好多餐廳，呢間泰國小店係其中一間，門面型格黑色，而且餐廳入面都擺放左幾多有趣裝飾，仲有一部大型屏幕既投影播放住d不同既音樂，燈光柔和我地叫左一碗雙丸牛肉丸湯金邊粉，麵同粉既size分左正常同細碗岩晒一d眼闊肚窄細食既朋友，牛肉丸細細粒好彈牙另一碗係豬扒金邊粉，豬扒好軟熟唔會好韌同鞋口，湯底用左船麵既汁之後再叫左一碗咖哩豬扒飯，咖哩味香濃，撈飯食一流，咖哩唔算太辣，泰式奶茶香滑。