老上海飯店 (已搬遷) 新店位置

今日要去灣仔運動場，做完運動都差唔多六點，肚餓之下起灣仔度揾嘢食，記得依度食上海菜好出名，就起無訂枱既情況下嚟睇下有無位，好彩重有最後一張細枱。就坐後見到有個二人餐幾經濟實惠，個餐啲嘢食都唔錯，就order左依個2人餐。另外見依度既紅酒價錢都唔算貴，288蚊一枝法國紅酒用來配搭濃油赤醬既食物就最合適。首先上枱既醉雞，酒味香濃而雞肉嫩滑。獅子頭既肉質鬆化唔會太過死實，啲醬汁夠濃用來點銀絲卷就最啱。咸肉百頁豆腐湯好好飲，飲完好舒服有下火既作用。雪菜紅燒黄魚，雪菜唔算太咸，黄魚煮得唔錯好食。