拉麵來 (已搬遷) 新店位置

香港而家好多拉麵店，林林總總，總有一間係你左近。好多過江龍拉麵店都做得唔錯，但我比較鍾意試啲唔太出名既細鋪，咁先有驚喜架嘛。今日我地試一間未食過既拉麵店，叫拉麵來，踏入店內只有區區幾張枱，陳設裝潢古典日式，仲有部彈珠機作為擺設。食拉麵最重要係個湯底，餸都係其次，要濃而不咸，食完唔會係咁灌水太多味精先叫好。我嗌左個黑蒜油拉麵，湯底用既湯頭主要係豬骨為主，黑蒜油亦都好香。麵條彈牙爽口，10分滿分我會俾8分，比起一啲有名拉麵店一啲都唔輸蝕。