尚香 (已結業)

上次行過旺角廣華街食咗一間掃街小食，叫做舌尖上的中國-尚香，都幾好食所以來分享下。係¼個上海人嘅我，對任何蟹粉小食都冇乜抵抗力，上次行經，見到有蟹粉湯包，個樣好似幾靚，雖然＄45唔算好平，但係都忍唔住叫咗個。大概等5分鐘就有啦，成個湯包好似手掌咁大，上面仲插左支飲管，真係要小心啲飲因為啲湯好熱，每一啖湯都非常濃郁，都飲到有蟹黃嘅味道，咬開個皮，見到裏面有好多蟹黃，仲有d蟹肉，啲湯多到有3分一杯，個皮都唔算話太厚，唔錯唔錯。