Lucullus Chocolate Cafe (已結業)

［冬天就係要飲杯濃濃嘅朱古力］有日去荃灣睇戲，見有啲時間行下一田之後想坐低hea下。Pacific coffee又滿晒人同冇咩特別，於是就試下Lucullus chocolate cafe啦！Lucullus一向出名朱古力，咁就試下佢話好signature嘅特濃熱朱古力。等左一陣就有得拎。兩杯熱辣辣嘅朱古力喺面前，佢仲送左粒小餅仔比係送杯朱古力。試左一啖，朱古力真係特濃，濃到好傑，係傑到張住個口嗰種。同埋個朱古力真係好熱，超熱，等左一陣都係熱到唔係好飲到。佢朱古力雖然好濃，但唔係甜朱古力，啱晒啱黑朱古力嘅我。咬左一啖佢送嘅小餅仔，少少咸，可以唔洗食多一啖，個味怪怪咁。兩個人坐埋一角傾下計，再輕輕鬆鬆咁落番地下睇戲，weekend嘅下午應該如此。飲晒杯朱古力已經好濟好飽，晚飯都可以skip.😂