赤鯛 (已結業)

有次老公話想食拉麵，就帶咗佢去呢間買外賣，因為疫情關係晚上冇得堂食，之前同朋友晏晝嚟試食過之後愛上左佢哋嘅魚湯底，好濃郁嘅魚湯味，我哋叫咗一個元祖叉燒鯛魚濃湯烏冬，同一個蒲燒鯛魚腹定食，店員為我地分配得好好，魚湯底會另外一個食物盒上，保證唔會令到烏冬浸得太耐，再配埋一碗新鮮沙律菜，同埋一夠日式年糕福袋，仲有餐前開胃小吃，係蓮藕片嚟㗎，酸酸甜甜咁幾開胃，烏冬好好咬口，一如既往鯛魚湯好濃郁，叉燒較薄片但好軟身唔會太硬，因為套餐有配飲品，就叫左杯熱黑烏龍茶，至於蒲燒鯛魚腹定食，好好味既燒汁，同魚肉好嫩身好滑，飯份量剛剛好1人，整體係值得推介，不過價錢真係相對比較貴👍🏻☺️