酥妃皇后 (已結業)

經過尼間賣酥皮撻既鋪頭，難得係旺角開左分店。新開張，唔駛排好耐隊就買到。鋪頭入面有大約6個企位，有水有紙巾，都幾貼心。叫左黑芝麻流心芝士撻($18)。個人覺得，外皮食落既口感有d似好脆既曲奇，不過又做到層層既效果，拎上手都幾重。而黑芝麻味亦唔假，咬完一啖，見到d黑芝麻餡開始想流落黎。芝士味唔會蓋過黑芝麻味，食完都唔會好濟好膩。整體，各款撻既賣相好靚，所以花多眼亂，多幾個人食，就可以試得多款d。值得食埋其他味道。