鳥華亭

營業中

休息中

夜晚大概6點幾左右嚟多，同朋友二人被安排坐係門口位置，但門口位置冷氣唔夠，令到用餐體驗有所下降。至極雞白湯拉麵，$99。先講湯頭，頗濃厚嘅雞味，而且飲多幾啖都唔會覺得油膩，係香港黎講已經收貨。雞叉燒，無乜特別，食唔出有咩調味，可能味道唔夠濃烈，口感即使係雞都唔會話鞋口。溏心蛋，顏色望落去好淡，但食落係有醬油香味，蛋味都算強勁。配菜方面，炸蓮藕幾出色，夠曬香口；有混蔥的選擇，揀咗但食唔出有咩分別。唐揚雞，$48。外皮酥脆，入面稱唔上多汁雞肉細嫩，但一定唔係乾爭爭，醬汁就係蛋黃醬，有少許洋蔥絲同檸檬作為調味。