祥興記上海生煎包 (已結業)

第一次食到咁好味的生煎包！今日經過Food Court覺得有少少肚餓，又見好耐冇食過上海嘢，所以就單點左四隻生煎包來食。價錢方面，4個要36蚊加一杯冷飲另外都有豬排面（湯面或撈面）同樣隻生煎包嘅套餐，價錢大約50-58。食物菜式不多，只有以上各種，主要都係賣番生煎包呢樣特色菜。生煎包有醋可以沾，個底煎到金黃色、有啲脆，食落去十分好味。包底外脆，包頂內軟。咬開包頂，汁多肉嫩，好似灌湯小龍包咁。可以見到入面有好多汁，一咬就流哂出來。呢個包確實係小龍包同生煎包嘅完美融合，食4個確實係唔夠！！！其實一D都唔底食，4個包要三十幾蚊，不過因為味道同質素嘅關係，底食指數一定要俾番4星！太好味喇！