汀汀烤活魚 (已結業)

秋風起, 終於都有點涼意, 係時候去打邊爐。 除左傳統既“烚下烚下”, 雞煲也是大受歡迎。荃灣三坡坊, 短短小巷內有多間以打邊爐為首既火鍋店。其他幾間都較麻甩, 同行又有女仔, 於是選擇之前食過, 味道都唔錯既“汀汀烤活魚”。除左魚煲雞煲, 仲有羔蟹雞煲可以揀, 10月係食蟹既季節, 梗係揀呢個有蟹又有雞既雙拼煲, 一次過滿足食兩味要求。另外火鍋配料款式多多, 仲有小菜供應, 實有一款岩心水。羔蟹雞煲 $348, 味道有麻辣,香辣同蒜香揀, 因為汀汀既小辣已經非常辣, 所以都係選擇惹味既蒜香。 個煲黎到, 面頭鋪滿蔥同芫茜, 滿到就瀉咁。等左陣就滾起, 店員幫我地撈勻, 除左有雞有蟹, 仲有紫洋蔥, 越滾越香噴噴, 令人好期待。蟹好大隻, 斬件放入煲, 而且好新鮮, 蟹蓋蟹鉗好多膏又好多肉, 蒜香滾到蟹殻好香口好惹味, 連殻都‘損’埋。雞既份量好多, 雞肉好嫩滑入味, 加上蒜香既惹味, 越滾越好味, 送飯一流。整體非常惹味, 湯汁好濃郁, 原來雞加蟹一齊打邊爐係可以好好食。雖然個煲又雞又蟹好多料, 淨係食雞同蟹都好足夠, 但係都額外叫多碟手打墨魚丸 $58, 因為汀汀既墨魚丸真材實料,