小茶堂 (已結業)

大半年前開始，成街都係飲品店，呢間小茶堂係我同友人試過一致認為幾好飲，有下次嘅！呢條街同登打士街超多飲品店，大部份都唔算話好多人排隊，三、五七個人左右。今晚喺附近食飯，但未夠鐘，又來會一會小茶堂menu同之前差唔多，另外加左熱飲同芋圓，飲品價位正常，甚至有D幾平添，性價比幾高。而且飲品可以揀糖、冰度，比較有彈性啦，總有班人好似我咁又怕甜，又要飲呢D台茶。珍珠抹茶鮮奶點左少甜，沖出來仲有明顯分層，最底係黑糖珍珠，之後鮮奶，最後係抹茶。飲用前要先搖勻，抹茶味好濃郁，有甘度，叫左少甜，所以飲落啱啱好！黑糖味未搖之前都幾濃，又唔會過份甜，比例係我鐘意嘅。裡面嘅珍珠有少少黑糖味，而且好彈牙，完全唔會淋，好好咬，非常出色友人點嘅係鳳梨綠茶，佢叫左少甜，底部會有D鳳梨肉，幾正，份量多D更加好，甜度非常適中，仲有茶味，都唔錯，不過我個人都係鐘意佢地嘅鮮奶類！推薦黑糖珍珠鮮奶同抹茶鮮奶