蝦麵店 (海光街) (已搬遷) 新店位置

係太古坊返工附近都一定有d必食嘅小店，哩間就係其中一間啦！雖然鋪面好細，有時lunch hour就會買返office pantry食。主打有兩款湯底，一個係2條辣椒嘅辣蝦湯底，一個係1條辣椒嘅咖哩喇沙湯底。我個人鍾意咖哩喇沙多d，因為有椰奶，口感會更加豐富。今次叫左墨魚丸魚片摻摻，即係蛋麵同米粉兩溝。雖然賣相唔好，但係味道一流！湯底濃郁唔在講，唔會好重味精，所以唔怕連湯食。墨魚丸帶有蒜蓉味，亦有墨魚粒，墨魚丸同魚片各四粒/片，份量好足夠。得意在餐廳落單形式好電子化，但係都仲有店員教你落單，好熱情返工口淡淡就會揀佢！