焰拉麵 (已結業)

放工返到元朗先開餐，成三點幾四點，唔想食茶記黎左焰拉麵。佢新開個陣已經想食，但一直無乜機會，呢排見面書嘅谷友堆介新口味，好，就今日試下先。除左餐牌上嘅拉麵，仲多左個辣味同沾麵。諗左一陣，都係叫招牌嘅焰拉麵，店員話佢地係濃湯同麵身較硬嘅，如果唔啱口味可提出要求。等食期間睇下四圍先，枱上有蒜頭同夾，可自行加入生蒜。仲有芝麻，辣菜舖，七味粉等，自家炒嘅辣菜舖，真係幾辣但又好味喎。除左拉麵，仲加左個套餐，包一只溏心蛋，野菜沙律同汽水，正價$28，但like&share喺面書有半價優惠。焰拉麵到，賣相一級捧！溏心蛋～好流心又鹵得入味，蛋味好正。野菜沙律～用上日式沙拉醋，酸酸地好醒胃。焰拉麵，有兩大片叉燒，乾蔥，荀，木耳，紫菜，大大碗。半肥瘦叉燒，入口溶化，油膩充滿口腔，實在另人回味無窮！拉麵掛湯能力不錯，啖啖都有豬骨湯味，個人亦喜歡偏硬嘅口感。主角兼靈魂嘅豬骨湯底，入口味道十分濃郁，但不油膩亦沒過鹹，淨係呢個湯底已值滿分，基乎飲哂啲湯，約不是太飽一定會飲哂。show面書後combo減了半價，$92蚊埋單，好味好味。