新麻蒲 BBQ (波斯富街) (已結業)

收工之後同約朋友到銅鑼灣食飯，朋友係好鐘意韓國菜既，佢就推介佐我一間食韓燒既餐廳。呢間餐廳位置好方便，就喺正c出口對面。上到餐廳，就見到佢每一檯都有爐，而且都係卡位，同朋友坐得好舒服。一坐低，侍應就會送上呢幾款前菜。打開餐單，見到有好多唔同既燒肉套餐，好吸引啊，岩哂食肉獸。不過，我地就比醬油蟹吸引左，所以下次先叫燒肉套餐。呢個韓式醃生蟹好濃郁好大份，出面自己買既細細隻都要二百幾蚊，相比起上黎，呢度既醃生蟹都幾抵食，佢既汁再加埋生蛋黃撈飯食直係一流！蟹上仲有濃濃既膏。另外，黎到韓燒店，當然就要叫返份燒肉，我地就點左新麻蒲五花肉，佢係厚切既，一放落燒板，就會咋一聲，燒到香口就用生菜包住佢黎食。最後，我地亦都點左份冷麵，佢係呢度既招牌菜，好食！