○de▽ 鯛白湯らーめん (電氣道)

營業中

休息中

呢間喺天后都開咗好幾年，佢其他分店我都食過，雖然係幾好食，不過我發現呢間味道最鹹今次叫咗佢白湯同埋沾麵，佢個白湯落咗好多醬油，隻色都變咗咖啡色，個味同中環jardine house 個沾麵差不多味道。雖然係好濃郁嘅鯛魚味，但係有啲過鹹咗少少。佢個沾麵都係同中環嗰邊差得遠咗，中環嗰陣時食嘅沾麵係會食到魚肉魚蓉，但今次呢度好鹹好鹹，而且食唔到魚肉。唔肯定係咪因為個廚師比較重口味？其實個味道係好好食，不過下次應該唔會再過嚟天后食，都係去返中環嘅分店算。除非真係好想好想食，但唔想排隊，天后呢間分店就啱你。