影片
更多
2021-08-23
444 瀏覽
今次我哋嚟到屯門嘅雙辣，位於GoGo Mall 入面，喺走廊行到最尾就會搵到㗎啦☺️我哋叫咗川府水煮牛肉，燒蒜包心菜，香辣椒鹽豬扒，粉絲明蝦煲同埋一碗白飯每碟份量都算幾多，我哋兩個人都食到好飽好飽😅川府水煮牛肉 水煮牛肉好大碗同埋一嚟到已經聞到好香嘅花椒味，賣相好靚，牛肉片片都好大塊，起碼有十幾塊除咗牛肉之外仲有好多芽菜同埋寬粉，超級足料，好抵食👍牛肉片十分嫩滑，一啲都唔老，煮得啱啱好，同埋醃得好入味，鮮香可口，油而不膩芽菜同埋寬粉就索晒麻辣湯底，香味好濃烈，好好食，但係就比較辣，食唔到辣嘅朋友就可能嘗試唔到啦燒蒜包心菜 呢碟炒菜一嚟到就已經聞到好香嘅蒜味，見到有加幾隻乾辣椒一齊炒菜炒後可以保持到爽脆口感，味道清甜，再加上蒜蓉吊味，真係回味無窮😋辣度連唔食辣嘅朋友都可以接受，所以唔使擔心👍香辣椒鹽豬扒 對比起平時食嘅，呢度嘅椒鹽豬扒表面就比較濕啲，唔會太脆口不過一嚟到已經散發出陣陣嘅椒鹽香味，豬扒非常入味，口感鬆軟，肉汁豐富，一啲都唔油膩，撈埋飯就最正😍 同埋有好多塊，每塊都係厚切豬扒，真係好抵食粉絲明蝦煲 粉絲炒得十分乾身，有大排檔嘅陣陣鑊氣味，同埋索晒蝦嘅海鮮鮮香味👍有好多隻蝦，驚喜
我哋叫咗川府水煮牛肉，燒蒜包心菜，香辣椒鹽豬扒，粉絲明蝦煲同埋一碗白飯
每碟份量都算幾多，我哋兩個人都食到好飽好飽😅
川府水煮牛肉
水煮牛肉好大碗同埋一嚟到已經聞到好香嘅花椒味，賣相好靚，牛肉片片都好大塊，起碼有十幾塊
除咗牛肉之外仲有好多芽菜同埋寬粉，超級足料，好抵食👍
牛肉片十分嫩滑，一啲都唔老，煮得啱啱好，同埋醃得好入味，鮮香可口，油而不膩
芽菜同埋寬粉就索晒麻辣湯底，香味好濃烈，好好食，但係就比較辣，食唔到辣嘅朋友就可能嘗試唔到啦
燒蒜包心菜
呢碟炒菜一嚟到就已經聞到好香嘅蒜味，見到有加幾隻乾辣椒一齊炒
菜炒後可以保持到爽脆口感，味道清甜，再加上蒜蓉吊味，真係回味無窮😋
辣度連唔食辣嘅朋友都可以接受，所以唔使擔心👍
香辣椒鹽豬扒
對比起平時食嘅，呢度嘅椒鹽豬扒表面就比較濕啲，唔會太脆口
不過一嚟到已經散發出陣陣嘅椒鹽香味，豬扒非常入味，口感鬆軟，肉汁豐富，一啲都唔油膩，撈埋飯就最正😍 同埋有好多塊，每塊都係厚切豬扒，真係好抵食
粉絲明蝦煲
粉絲炒得十分乾身，有大排檔嘅陣陣鑊氣味，同埋索晒蝦嘅海鮮鮮香味👍
有好多隻蝦，驚喜嘅係，隻隻蝦好都似蝦球咁大隻😍
蝦炒得啱啱好，肉質非常彈牙，唔會霉，味道鮮甜
佢除咗有蝦，仲加埋豬肉碎落去炒，所以口感十分滿足，唔會好似食緊齋粉絲咁寡，好有心思☺️
環境
餐廳裝修得好靚，好有傳統中國特色嘅風味，由牆壁嘅佈置，去到餐廳採用嘅燈都貫徹着同一個主題，睇得出好有心機去裝飾
餐廳好多人食，我哋星期日去，要等30-40分鐘先有位，所以真係好受歡迎😍
店員亦都好好人，好有禮貌😍
張貼
