大門橫丁 (厚福街)

營業中

休息中

📌 大門橫丁 (厚福街) - 尖沙咀厚福街9號豪華閣地下🗓(24/8) 星期三 ⏰ 晚上7點左右 🌐網址: https://s.openrice.com/QrbS0by83W0~ueeoDBA 💈特式：呢間大門橫丁係香港都已經好多年，最高峰好似都有4~5間分店，但而家只係淨係尖沙咀同旺角兩間。🥩🍔🌭🌮🥗🥯🥘🍲🍝🍣🥟🍤🍱食物：我最鍾意食嘅就係佢個沙嗲湯底烏冬，等我講吓味道先......特上橫丁沙嗲湯手打烏冬🐮🍜 - 佢個沙嗲湯底濃得嚟又唔係好杰身個隻，真係可以當湯咁飲，烏冬就夠滑身又彈牙，餸佢就配左牛肉/豬軟骨/糖心蛋，牛肉就正常普普通通，個豬軟骨就炆得好冧好香口，糖心蛋就正常偏好味，我每次去親都叫呢個，仲要飲到d湯一滴不留為止。自家製蕃茄湯🍅鮮大蜆手打烏冬 - 呢個蕃茄湯都係佢店舖推介之一，蕃茄味好濃，個湯都係必定飲到一滴都無剩，d鮮大蜆都算大隻，但食落都唔韌，仲有少少鮮味。岩鹽串燒雞皮🐥蘆筍 - 雞皮燒得好香，脆卜卜，但d蘆筍就有d韌同有渣。☕️🍵🥤🧋🍺🍷🥃🍹🧉🍾🍶🥛飲品 - 無叫到飲品，但佢本身餐廳提供嘅茶水係茉莉花茶，茉莉花味好香，真係無乜試過係出邊其他餐廳飲過咁香嘅茶。