黃記煌三汁燜鍋 (已結業)

麻辣一向就最啱我但係成日食麻辣火鍋又或者食麻辣米線又好似單調咗啲，今次我去咗呢間餐一試一試佢哋嘅炆鍋，另一種辣嘅享受。今日我揀咗牛魔王炆鍋，入邊會有牛仔骨，同西冷扒。好特別嘅配搭，平時牛仔骨同埋西冷扒可能通常會出現係西式嘅餐廳，今日中式嘅鍋入邊仲要係麻辣鍋入邊見到佢哋兩個，十分新奇。但係整出嚟嘅味道十分之唔錯，啲牛仔骨炆到好林，最要讚賞嘅係嘅鍋底，除咗有麻油辣之外仲會多咗一種濃濃嘅湯底香 ，我估計佢嘅湯底係經過熬製，先至再加上麻同埋辣，所以整體嘅味道非常之正，啱晒我呢啲愛食濃果嘅人士。呢一個鍋底最啱配嘅就係紅薯粉，煙煙銀銀嘅紅薯粉吸收晒湯底的味道，除左正之外無嘢可以講 。除咗我之外佢仲會有涼菜佢嘅涼菜份量非常之大，而且做緊優惠係第二個有半價，所以唔怕貪心啲可以再食多個。我特別喜歡就係佢呢一個包片海蜇頭，十分之爽口 而且有酸酸嘅醋香，十分開胃。