影片
更多
2020-06-18
1108 瀏覽
[🇰🇷韓式飯卷Kimbap🇰🇷] Kelly’s Cape Bop/一間位於灣仔嘅韓式外賣店，已經連續5年榮獲米芝蓮推介之街頭小食😮👍🏻。老闆係一位韓國媽媽，最初係為咗整健康又有營養嘅飯卷比囡囡食，整下整下就開埋舖頭。入面賣嘅都係好常見嘅韓式料理🇰🇷，有拌飯、炒年糕、炸雞塊同埋煎蛋卷等等。第一次去食，就試下佢哋主打嘅紫菜飯卷，佢哋嘅賣點就係行健康路線，啱晒我呢啲食菜獸🤣。/豬肉紫菜飯卷 🐖 ($70)牛肉紫菜飯卷 🐂 ($70)-前菜 - 泡菜蘿蔔絲：唔算辣，蒜蓉味重，味道正常。前菜 - 腐皮：雖然似比辣汁醃過，但入口冇咩味，而且較淋身，細細片+淡味食落好唔實在。-飯卷望落就好吸引，五顏六色🌈，細心數下會發現有胡蘿蔔、酸蘿蔔、青瓜、牛蒡同蛋絲，蔬菜嘅份量都佔咗成個卷嘅一半，有種好清新健康嘅感覺，但肉類都冇比少到，正正就達到營養均衡嘅原意。外型比一般飯卷嘅Size大，不過食哂佢都唔怕肥。-咬落口完全感受到各種蔬菜嘅清新同爽脆，有種置身園野🌿嘅感覺，非常健康，因為切到一絲絲，可以咬到「ChokChok聲」，不過口味真係偏淡，追求味道豐富嘅朋友就未必鐘意。-至於豬肉🐖同牛肉🐂就相對普通，口味
/
一間位於灣仔嘅韓式外賣店，已經連續5年榮獲米芝蓮推介之街頭小食😮👍🏻。老闆係一位韓國媽媽，最初係為咗整健康又有營養嘅飯卷比囡囡食，整下整下就開埋舖頭。入面賣嘅都係好常見嘅韓式料理🇰🇷，有拌飯、炒年糕、炸雞塊同埋煎蛋卷等等。第一次去食，就試下佢哋主打嘅紫菜飯卷，佢哋嘅賣點就係行健康路線，啱晒我呢啲食菜獸🤣。
/
豬肉紫菜飯卷 🐖 ($70)
牛肉紫菜飯卷 🐂 ($70)
-
前菜 - 泡菜蘿蔔絲：唔算辣，蒜蓉味重，味道正常。
前菜 - 腐皮：雖然似比辣汁醃過，但入口冇咩味，而且較淋身，細細片+淡味食落好唔實在。
-
飯卷望落就好吸引，五顏六色🌈，細心數下會發現有胡蘿蔔、酸蘿蔔、青瓜、牛蒡同蛋絲，蔬菜嘅份量都佔咗成個卷嘅一半，有種好清新健康嘅感覺，但肉類都冇比少到，正正就達到營養均衡嘅原意。外型比一般飯卷嘅Size大，不過食哂佢都唔怕肥。
-
咬落口完全感受到各種蔬菜嘅清新同爽脆，有種置身園野🌿嘅感覺，非常健康，因為切到一絲絲，可以咬到「ChokChok聲」，不過口味真係偏淡，追求味道豐富嘅朋友就未必鐘意。
-
至於豬肉🐖同牛肉🐂就相對普通，口味依然偏淡，略帶些少咸味，肉汁亦有限，始終走健康路線，都明白會擺少啲調味落去。個人覺得如果肉類嘅味道重返啲，再配合清淡嘅蔬菜，兩種味道夾埋應該會幾正。
-
而白米同黑米食落分別唔大，亦冇咩特別味道，黑米嘅質感會更粒粒分明，同埋⋯⋯健康啲囉。
/
總結嚟講，以飯卷嚟計，價錢貴咗啲，可能一部分錢係比落健康度。另外，我自己間唔中都會食下素，所以會接受到呢種較淡嘅味道，對於食唔慣淡嘢嘅人，呢種食物就未必啱口味。
-
順帶一提，老闆態度好好又有禮，見到有外賣員滿頭大汗💦咁嚟到，會請佢飲冰凍嘅汽水特飲🍹。
張貼
