四爺車仔麵專門店 (已結業)

上同朋友推介食完之後，就打算帶男朋友黎試。一直車仔麵都係我大愛，雖然呢間比正常車仔麵貴，不過佢既地方有普通餐廳既享受，夜晚可以坐下吹下水都唔會俾人趕。價錢同揀左啲咩如下。呢度最最最好係因為有得走麵要淨菜！一黎低碳水化合物，二黎出街有時好難食得夠菜。豬腩仔係皇牌，亦覺得真係不錯！不過唔鍾意肥肉既千其唔好叫！鹵豆腐份量多，都幾唔錯。反而雞翼就無乜特別，不過不失。男朋友叫既！我試左佢既牛筋腩同豬大腸。牛筋腩好食！豬大腸個麻辣都做得幾好。