Fini's (石水渠街)

營業中

休息中

午餐時間抖抖氣，落咗灣仔同大學同學食飯，要喺灣仔北搵間好餐廳唔難，要搵間有特色坐得又舒服食物味道有好嘅就真係唔容易，怕上樓餐廳侷促，消費又貴。普通連鎖餐廳就覺特色。偶然搵到呢間Fini , 坐落灣仔藍屋前面，裝修別緻，非常開揚，室外陽光從外面透入嚟，在秋天嘅天氣乾爽季節，真係坐得好relax，位置容易搵到之餘，坐得舒服之餘，原來呢度set lunch好抵食。$99包任何pasta同Pizza，仲要有個沙律包埋嘢飲，超抵。10月份梗係要食蟹啦，所以main course 咗個 crab pasta. 上菜一刻最為驚喜，Caesar salad 係美味嘅old Cheese ...竟然鋪滿整碟菜，真係好香。而主菜，竟然係fusion, 避風塘式辣椒豆豉炒意粉，超好味好驚喜。嘅咖啡作為整個午餐嘅總結，今日真係好完美。