珍豆漿 (已結業)

平時經過灣仔道一直都未試過珍豆漿，今日有同事介紹就一於去試試主打素食嘅餐廳🍴😋平時lunchtime都好少食菜，黎到珍豆漿可以食多啲菜，食得健康啲👍🏻餐廳唔大，大約坐15人左右，位於餐廳中間位置嘅座位稍為逼少少。嘢食方面有飯、米粉、蕎麥麵、烏冬等配搭。大部分餐都跟豆漿（唔需要額外加錢）。我叫左個常餐：八寶蕎麥麵跟豆漿（$44），價錢抵👍🏻兩位同事叫左餃子蕎麥麵、豆腐花同飯糰。當中飯糰最特別同好食👍🏻，裡面有紅豆&埋藏左個油炸鬼，份量都好夠。豆漿稍為淡左啲。八寶嘅餸有玉米粒🌽、紅蘿蔔絲🥕、素雞、紫菜、生菜、豆卜、素叉燒&素牛展。賣相十分吸引，好colourful，清湯底，麵嘅份量可以多少少就perfect喇。下次會黎試試其他嘢食👍🏻