九龍城寨墨魚丸專家鮮魚湯粉麵 (已結業)

灣仔返工，一個禮拜至少有一日都會嚟呢度食。因為係灣仔區物價嚟講呢間就真係價錢都幾抵食架。我經常會點兩款粉麵，一個就係卷出好味，另一個就係九龍城寨四寶。卷出好味包括三款：有魚肉卷，墨魚卷和墨魚蝦卷。炸得皮薄，唔會油膩，外面香脆內裡鬆軟，肉質嘅清甜隨著咀嚼就越明顯。 九龍城寨四寶就有四款丸類，一樣一粒，減少重複嘅飽滯感，分量啱啱好。我鐘意佢呢度湯底呢唔會好重口味，味道清甜。再加上佢啲丸口感彈牙，米線都煮得啱啱好，唔會太硬又唔會太淋。以茶記嚟講，食物都真係唔錯。