牛壹台食 (已結業)

同事介紹灣仔有間牛肉麵味道非常正宗，今日經過附近就過嚟試下。鮮橙綠茶，鮮橙綠茶先送上，橙味加綠茶都係第一次試，唔係咁多地方有呢個組合，感覺清新。紅油抄手，抄手一口一啖，裏面係脹卜卜嘅菜肉內餡，配上微辣嘅醬油，相當開胃。特濃牛腱心牛肉麵，先呷一口湯底，充滿濃郁嘅牛味，麵條揀選咗刀削麵，口感比起坊間一般嘅較為腍身，特別鍾意佢啲牛肉肥瘦相間，食起嚟異常咁滑溜。古早味魯肉飯，流心蛋個流心程度啱啱好，滷肉嘅肥肉同瘦肉成四六比，係我至愛嘅比例。