六角

營業中

休息中

灣仔日月星街一帶嘅餐廳一向俾人一種神秘而令人驚艷嘅感覺，最近同朋友又再次發掘呢一帶嘅餐廳，不出意外地又搵到驚喜。今次嚟到六角，一間以木系風格打造家居舒式感嘅居酒屋，打開趟門入到餐廳就有一種返咗日本嘅溫暖感。同朋友一齊試咗佢地嘅午市定食，隨餐會附上茶碗蒸，櫻花蝦漬蘿蔔 （不固定嘅前菜）以及麵鼓湯。照燒雞扒定食雞扒分量十足，照燒汁嘅香味一上碟已經非常噗鼻，配菜仲有柚子醋野菜沙律，岩哂做完gym 要大量蛋白質嘅輕盈之選。角切魚生飯定食食日本菜點都要點返個魚生飯，角切魚生嘅種類好豐富，油膩感唔太重，重點係多魚生少飯CP值幾高。天婦羅粟米餅其他居酒屋比較少食到嘅誠意之作。師傅會完全去除粟米芯，粒粒粟米嘅啖啖都食得，係香脆可口嘅佐酒小吃。天婦羅明太子青椒師傅將明太子釀入青椒再以天婦羅方式處理，明太子嘅香味剛好中和青椒嘅苦澀味，係我食過最精緻嘅天婦羅。