影片
更多
2016-07-24
330 瀏覽
又到星期五放工happy hour時間，同兩個朋友約埋吹水食飯！夏天真好！差唔多7點鐘天都未黑！感覺真好！朋友帶左我去一間新開嘅餐廳，由灣仔修頓球場行過去大約七、八分鐘左右，一間叫「風花雪月」既餐廳。餐廳位於一樓，一睇已經知係新裝修，因為成間餐廳都新「束束」，裝修雅緻燈光柔和，感覺都幾舒服！聽朋友講一、二、三樓其實都係屬於呢間餐廳，一樓食西餐，二樓食鐵板燒，三樓食日式同埋壽司！坐喺其中一層都可以點埋另外兩層menu嘅食物！我地過兩日就去日本食玩買，所以今日打算食西餐為主。海鮮意大利飯 （8.5/10）海鮮份量一啲都唔吝嗇，幾乎啖啖都食到海鮮！有魚柳、蝦、蜆肉、魷魚、帶子，仲有一隻燒大蝦！隻大蝦我冇食，不過朋友話超彈牙爽口，食得出係新鮮貨，蝦頭仲有蝦膏㖭！其他海鮮都一樣鮮味，特別鐘意魷魚，口感爽脆鮮嫩，唔會好似d急凍魷魚無味道又好似橡筋咁咬唔開！蝦肉同帶子都鮮甜爽口！意大利飯，有啲人叫「意大利燉飯」好食與否，我個人覺得個飯嘅口感至為重要。之前去義大利嘅時候食嘅正宗意大利飯飯粒會比較有咬勁，煙韌彈牙，帶少少半生熟嘅感覺。喺香港嘅餐廳，食到嘅多數係為配合香港人口味而改良嘅意大利飯，口感會比較
聽朋友講一、二、三樓其實都係屬於呢間餐廳，一樓食西餐，二樓食鐵板燒，三樓食日式同埋壽司！坐喺其中一層都可以點埋另外兩層menu嘅食物！我地過兩日就去日本食玩買，所以今日打算食西餐為主。
海鮮意大利飯 （8.5/10）
海鮮份量一啲都唔吝嗇，幾乎啖啖都食到海鮮！有魚柳、蝦、蜆肉、魷魚、帶子，仲有一隻燒大蝦！隻大蝦我冇食，不過朋友話超彈牙爽口，食得出係新鮮貨，蝦頭仲有蝦膏㖭！其他海鮮都一樣鮮味，特別鐘意魷魚，口感爽脆鮮嫩，唔會好似d急凍魷魚無味道又好似橡筋咁咬唔開！蝦肉同帶子都鮮甜爽口！意大利飯，有啲人叫「意大利燉飯」好食與否，我個人覺得個飯嘅口感至為重要。之前去義大利嘅時候食嘅正宗意大利飯飯粒會比較有咬勁，煙韌彈牙，帶少少半生熟嘅感覺。喺香港嘅餐廳，食到嘅多數係為配合香港人口味而改良嘅意大利飯，口感會比較軟身，有d甚至煮到飯粒開始破裂成糊狀。今次食到嘅呢個意大利飯估唔到有驚喜，口感同喺意大利食到嘅有九成相似，有al dente嘅彈牙口感！有嚼勁！非常讚！個白汁嘅濃度亦剛剛好，唔會太杰唔會太稀，味道亦調得剛好，唔會因為太濃味或太咸而蓋過海鮮嘅鮮味！如果鍾意食正宗意大利飯嘅人真係要黎試一試！韓式和牛薄餅 （8/10）
呢個薄餅嘅餅底同平時食開嘅好唔同，餐廳話係廚師新鮮自己搓嘅，餅底嘅厚度係介乎「必x客」厚批同薄批之間，但咬落去好似新鮮焗起嘅餅乾一樣，非常香脆，薄餅上嘅餡料同醬汁唔少，但係都無浸濕或者浸軟個餅底！口感都幾好！雖然只係toppings, 但牛肉份量都唔算少，而且質素唔錯，牛味夠重之餘質感亦嫩滑，配埋洋蔥、青椒、紫菜呢d爽脆嘅蔬菜口感更佳！醬汁甜甜地，有d似北京填鴨嘅燒烤醬，又似韓式嘅甜醬，同個牛肉好夾！再加埋大量咸香嘅芝士！好惹味！黑松露薄餅 （8/10）
本來諗住叫意粉，不過最後都係叫左呢個黑松露薄餅！薄餅一放低已經聞到勁香嘅松露味！餅底同韓式和牛薄餅一樣香脆！薄餅上面鋪滿什菌同黑松露，再加埋芝士（食嘅時候堅係可以「拉絲」嘅芝士，熱辣辣食真係好正！鐵板燒 厚燒韓國牛肉&薄燒牛肉 （9.5/10）
明明係食西餐，朋友睇埋個鐵板燒menu之後堅持點埋燒牛肉！職員話佢地嘅鐵板燒係用日本進口嘅玻璃陶瓷板，牛亦用上韓國嘅高級牛肉！去日本食日本和牛食得多，去韓國就比較少食韓牛！估唔到韓牛都有果種入口即化嘅口感，肉質軟腍鬆化，沾少少岩鹽已經超好味！職員推介我地夾埋旁邊嘅炸蒜片一齊食！我本身對蒜頭並唔係特別喜愛，但係呢個炸蒜片真係好得，聞到好香蒜頭味，但食落口完全冇蒜頭果種辛辣同苦澀味，而且切得好薄炸得好脆，好似食緊薯片咁！夾埋燒牛肉一齊食真係perfect match!真係好得！三個女人一個墟！成晩講唔停！因為我地三個都唔飲酒，太夜又費事飲咖啡奶茶怕訓唔著，職員推介我地可以試下由法國做嘅花茶、果茶，選擇有十幾款，睇到我眼花撩亂，最後我揀左個Rose with French Vanilla，冇落糖但飲落去都無苦澀嘅味道，反而感覺有d滑喉，好舒服！玫瑰味淡左少少，雲尼拿味反而搶一d！
職員都有推介佢地嘅甜品，好似廚師每日新鮮製嘅朱古力奶凍、抹茶奶凍、法式馬卡龍等等，可惜我地三個已經飽到反哂肚，唯有等下次再試吧！臨走前職員仲比咗lunch set嘅menu我地睇，叫我地下次lunch黎試下！睇落個價錢都算合理，地點又方便，朋友聚餐又多一個地方選擇了！
張貼
